خلي عليك سيدنا فالثيقار أسي حصاد


خلي عليك سيدنا فالثيقار أسي حصاد

تدوينة على الفيسبوك للاستاذ الباحث عبد اللطيف اكنوش جامعة الحسن الاول سطات////

هاذ النهار الخميس، وزير الداخلية “حصاد” قال بللي “سيدنا” عطى تعليمات باش الوزارة تجمع :”مختلف العمال والولاة وباقي المصالح الأمنية باش تعطاهوم أوامر الملك بتطبيق القانون مع حفظ كرامة المواطنين”… وزاد هاذي: “الجهات للي كاتدعو للاحتجاج في مواقع التواصل الاجتماعي راها معروفة ودائما كاتخرج في هاذ المناسبات”…إيلى سمحتي السي الوزير بهاذ الملاحظات؟:

1- ماكانشوفش لاش غادي يتجمعو العمال والولاة باش نقولو ليهوم يطببقو القانون مع حفظ كرامة المواطنين، لأنهوم قراو هاذ الشي بكري وكايعرفوه…”قل غيرها ونتبعك”…قول مثلا غادين يقومو، بمشاركة الجمعيات ذات المنفعة العامة، والمنتخبين والمواطنين، بأيام دراسية حول “عطب الحكامة الإدارية والأمنية الشاملة ورسم مخطط شامل لإصلاحها والتأكيد على ضرورة التطبيق الحازم للقانون، وتحسيس المواطن بالقيام بواجباته تجاه الوطن وتجاه المجموعو الوطنية باحترامه للقانون مع احترام حقوقه”…قول هاذي نقول ليك: “برافو، هذا بداية تغيير جقيقي في عقيدة الدولة”…

2- بلاش عليك تتكلم آسي الوزير على هاذوك للي كايحررضو الناس في مواقع التواصل الاجتماعي على الاحتجاج وتقول لينا راهوم معروفين…وذلك لسببين: أولا لأن راه الفرق عظيم بين العالم الافتراضي وعالم المواطن للي كايتشكى من “اندحار الحكامة السياسية والإدارية”، وثانيا لأن الناس للي كاتلممح ليهوم كاينين آييييه، وهوما من شحم ولحم وعظم وكاينين في الواقع اليومي وأغلبيتهوم في البارات ولا في الجوامع غير الرسمية…وكون على يقين أن المواطن الحر مامحتاجش ليهوم، راك غير كاتكببر فيهوم البعرة، وكاتعطيهوم حجم للي ماعندهومش…

3- ثالثا، عندي سؤال…علاش حاشرين سيدنا في هاذ البيعة وشريا وهو ديما كايردد على مسامعكم هاذ “التعليمات” منذ أكتوبر 1999؟؟؟ ثم فاين هي الحكومة ورئيسها، المعنيين الأوائل بهاذ “تجديد قواعد الحكامة السياسية الشاملة”؟؟؟ خلليو عليكوم سيدنا في التيقار، الله يخليك…

مقالات ذات صلة

Show Buttons
Hide Buttons